چیف سیکریٹری سندھ ڈاکٹر محمد سہیل راجپوت سے اقوام متحدہ کے ادارے UNODC کے وفد کی ملاقات
عمران
اقوام متحدہ کے دفتر برائے منشیات اور جرائم (یو این او ڈی سی) کے کنٹری نمائندے مسٹر جیریمی ملسم کی قیادت میں تین رکنی وفد نے چیف سیکریٹری سندھ ڈاکٹر محمد سہیل راجپوت ملات، ملاقات میں صوبے میں منشیات کی بحالی کے لیے ماڈل سینٹر کے قیام کا فیصلہ۔ اجلاس میں اتفاق کیا گیا کے منشیات کی بحالی کے لیے ماڈل سینٹر مکمل طور پر حکومت سندھ کی طرف سے UNODC کی تکنیکی مدد سے چلائی جائے گی اور منشیات کی بحالی میں بین الاقوامی بہترین طریقوں پر عمل پیرا ہوگی۔
اجلاس میں (یو این او ڈی سی) کے ارسلان ملک، سیکرٹری داخلہ اعزاز علی شاہ، سیکرٹری سوشل ویلفیئر ڈاکٹر شیریں مصطفیٰ، سیکرٹری جنرل ایڈمنسٹریشن محمد علی کھوسو، سیکرٹری صحت ذوالفقار علی شاہ نے شرکت کی
ملاقات کے دوران چیف سیکریٹری سندھ ڈاکٹر محمد سہیل راجپوت نے یو این او ڈی سی کے وفد کو سندھ حکومت کی جانب سے انسداد منشیات فورس (اے این ایف) کے تعاون سے کی جانے والی قابل تحسین کوششوں سے آگاہ کیا۔ انہونے بتایا کے ANF سے تعاون کے نتیجے میں، منگھو پیر اور ملیر میں دو منشیات کی بحالی کے مراکز کامیابی کے ساتھ قائم کیے گئے ہیں جن میں صحت یاب ہونے کے خواہشمند 300 افراد کی رہائش کی گنجائش ہے۔ انہوں نے مزید کہا کہ UNODC بحالی مرکز صوبے میں ایک معیار کے طور پر کام کرے گا۔ مرکز کے آپریشنز، پروٹوکول، اور سروس کے معیارات کو منشیات کی لت کے علاج میں عالمی بہترین طریقوں کی عکاسی کرنے کے لیے ڈیزائن کیا جائے گا۔ دیگر نجی بحالی مراکز کو اس کی پیروی کرنے کی ترغیب دی جائے گی، اس طرح منشیات کی بحالی کی خدمات کی فراہمی میں یکسانیت اور عمدگی کو یقینی بنایا جائے گا۔
اس موقع پر گفتگو کرتے ہوئے جیریمی ملسم نے کہا کہ UNODC منشیات کی بحالی کے مرکز کا قیام منشیات کی استعمال سے نمٹنے کے لیے جاری کوششوں میں ایک اہم سنگ میل ہے۔ یہ مشترکہ کوشش نہ صرف ایک فرد کو صحت یابی کی طرف سفر میں مدد دے گی بلکہ ایک صحت مند اور منشیات سے پاک معاشرے کی تشکیل کے عظیم مقصد میں بھی حصہ ڈالے گی۔ انہوں نے اجلاس کو مزید بتایا کہ اقوام متحدہ کا دفتر برائے منشیات اور جرائم (UNODC) غیر قانونی منشیات، منظم جرائم، بدعنوانی اور دہشت گردی کے خلاف جنگ میں کردار ادا کر رہا ہے، یہ تنظیم حکومتوں اور بین الاقوامی شراکت داروں کے ساتھ مل کر قانونی فریم ورک کو مضبوط کرنے، انصاف اور سلامتی کو فروغ دینے اور ان پیچیدہ چیلنجوں سے نمٹنے میں تکنیکی مدد فراہم کرنے کے لیے کام کرتی ہے۔
اجلاس میں پاکستان میں یو این او ڈی سی آفس کی تکنیکی معاونت سے صوبہ سندھ بھر میں آگاہی مہم چلانے کا بھی فیصلہ کیا گیا۔ آگاہی مہم میڈیا، کمیونٹی آؤٹ ریچ پروگرام، تعلیمی ادارے، اور سوشل میڈیا پلیٹ فارم سمیت مختلف مواصلاتی چینلز پر مشتمل ہوگی۔
