کراچی کے علاقے پاپوش نگر میں فائرنگ کا ہولناک واقعہ، جہاں ایک نجی بینک کے سیکیورٹی گارڈ نے فائرنگ کر کے 32 سالہ خاتون کو قتل کر دیا۔
عرفان علی
کراچی
کے علاقے پاپوش نگر میں فائرنگ کا ہولناک واقعہ، جہاں ایک نجی بینک کے سیکیورٹی
گارڈ نے فائرنگ کر کے 32 سالہ خاتون کو قتل کر دیا۔ ابتدائی تحقیقات میں قتل کے
پیچھے بلیک میلنگ اور پیسوں کے لین دین کی سنگین کہانی منظرِ عام پر آئی ہے۔
چہرہ ڈیجیٹل کی رپورٹ کے مطابق، پاپوش نگر میں بینک گارڈ
صادق خان نے 32 سالہ زاہدہ نامی خاتون پر فائرنگ کی، جس کے نتیجے میں وہ موقع پر
ہی دم توڑ گئی۔ پولیس نے فوری کارروائی کرتے ہوئے ملزم کو آلہ قتل سمیت گرفتار کر
لیا ہے۔
سنسنی
خیز انکشافات): پولیس
حکام کا کہنا ہے کہ ملزم اور مقتولہ کے درمیان مبینہ طور پر دوستی تھی۔ ملزم کا
دعویٰ ہے کہ مقتولہ اسے نازیبا ویڈیو کے ذریعے بلیک میل کر رہی تھی اور اس سے اب
تک 50 ہزار روپے وصول کر چکی تھی۔ ملزم کے مطابق خاتون مزید رقم کا تقاضا کر رہی
تھی، جس پر مشتعل ہو کر اس نے انتہائی قدم اٹھایا۔
حالیہ
صورتحال): پولیس
نے مقتولہ کی لاش کو ضابطے کی کارروائی کے لیے عباسی شہید اسپتال منتقل کر دیا ہے۔
واقعے کا مقدمہ درج کر کے مزید شواہد اکٹھے کیے جا رہے ہیں تاکہ قتل کے اصل محرکات
کا مکمل تعین کیا جا سکے۔
