پولیس اہلکار یا ڈاکو۔۔۔؟
چہرہ ڈیسک
پولیس اہلکار یا ڈاکو۔۔۔؟
کراچی اورنگی ٹاؤن میں مبینہ طور پر پولیس وردی اور سادہ لباس میں آنے والے ا فراد تاجر کا گھر لوٹ کر فرار ہوگئے ،
متاثرہ شہری نے واردات کا مقدمہ درج کرادیا
اورنگی ٹاؤن نمبر 10 میں کپڑے کے تاجر کے گھر مبینہ ڈکیتی کی واردات منگل اور بدھ کی درمیانی شب پیش آئی ،
واردات کا مقدمہ متاثرہ تاجر کی مدعیت میں نامعلوم افراد کے خلاف تھانہ مومن آباد میں درج کیا گیا ،
مقدمے کے متن کے مطابق واردات کرنے والے 6 ملزموں میں سے 3 پولیس کی وردی میں ملبوس تھے ،
مسلح افراد گھر سے موبائل فون ، 2 لاکھ روپے نقد اور 20 تولہ سونے کے ساتھ مدعی مقدمہ کا لائسنس یافتہ اسلحہ بھی لے گئے ،
پولیس حکام کا کہنا ہے کہ واقعے کی تحقیقات کا آغاز کردیا ہے،علاقے میں نصب سی سی ٹی وی کیمروں کی فوٹیجز بھی حاصل کی جارہی ہیں ، جلد ملزموں کو گرفتار کرلیا جائے گا۔
