ذہنی مریضہ ماں کے ہاتھوں دو بچے قتل
عدنان اطہر
کراچی: ڈیفنس کے بنگلے میں دل دہلا دینے والا واقعہ، ذہنی مریضہ ماں کے ہاتھوں دو بچے قتل
کراچی کے پوش علاقے ڈیفنس میں ایک افسوسناک واقعہ پیش آیا جہاں ایک ذہنی مریضہ ماں نے اپنے دو معصوم بچوں کو قتل کر دیا۔ پولیس کے مطابق مقتول بچوں میں ایک 8 سالہ لڑکا اور 4 سالہ لڑکی شامل ہیں۔ دونوں کی لاشیں جناح اسپتال منتقل کر دی گئی ہیں۔
ایس ایس پی کے مطابق واقعے کے فوراً بعد پولیس نے کارروائی کرتے ہوئے ملزمہ کو گرفتار کر لیا ہے، جو بچوں کی والدہ ہے اور ذہنی بیماری میں مبتلا ہے۔ پولیس نے آلہ قتل بھی برآمد کر لیا ہے اور مزید تحقیقات جاری ہیں۔
یہ واقعہ نہ صرف علاقے میں خوف و ہراس کا باعث بنا بلکہ ذہنی صحت کے مسائل پر بھی ایک بار پھر توجہ دلانے کا سبب بنا ہے۔ حکام کا کہنا ہے کہ ملزمہ کی ذہنی کیفیت کا جائزہ لینے کے لیے ماہرین نفسیات کی مدد لی جائے گی۔
